Amandelboompie Speelskool

Die Amandelboom is die simbool van waaksaamheid en belofte. Dis die eerste vrugteboom wat bloei, vroeg in die seisoen.

Kom kuier gerus by ons klein, huislike, intieme speelskooltjie en kom kyk wat ons jou bied. Ek streef daarna om ‘n gelukkige en veilige omgewing te skep waarin elke kind holisties kan ontwikkel.

Die program wat ek volg moedig deurgaans die kleuter aan om fisies, emosioneel, intellektueel, geestelik en sosiaal te ontwikkel.

• Ouderdom: 2 - 5 jaar

• Speelskooldae; Maandag - Vrydag

• Ure: 08:30 - 12:30 | 2, 3 Dag Opsie

• Speelskooltye; Die speelskool program begin om 09:00 tot 12:00 en ons sluit om 12:30 Kleuters mag vanaf 08:30 afgelaai word.

Amandelboompie bied 'n boomryke speelgrond met lieflike sandput en klimrame, 'n trampolien en 'n "Formule 1 renbaan" waar die kleuters heerlik met swart fietsies kan rondry.

Daar is 2 klassies, die een (met teelvloer) vir kunsaktiwiteite, kleispel en eet, die ander met volvloermat vir legkaarte bou, stories lees en sommer lekker binne speel.

Ons spesialiseer in n  klein groepie kleuters, nooit meer as 12 kleuters. 2 of 3 dag opsie beskikbaar.


In die somer werk ons by die tafeltjies op die gras in die koelte voor die klassies en hoor ons die duiwe koer en sien die skoenlappers wat vladder in die tuin. 

Die speelskool is aanvullend tot die ouerhuis. Ek probeer ‘n rustige atmosfeer skep waarin die kind geborge kan voel. Ek vertrou dat u kind baie gelukkig sal wees by die Amandelboompie Speelskool. Ek hoop dat u kleuter vroeg sal bot en baie vrugte sal dra wat ooreenstem met die belofte wat op sy/ haar lewe is!!

Die Dagprogram sluit die volgende in: "Woordtyd" (Bybel) , Vryespel, Kreatiewe aktiwiteit, Buitespel, Opvoedkundigespel, Musiek en sang, Storietyd.

Playball, Monkeynastix en Musiek word as buitemuurse aktiwiteite tydens skoolure aangebied.

Slegs 11 maande fooi - geen fooi vir Desember.

Kontak my gerus vir ‘n afspraak - Lelanie Kriel -  082 826 1459